#AddisAbeba

አዲስ አበባ ከተማ ውስጥ በማኅበራት ተደራጅተው ከቀረጥ ነፃ የገቡ በሥራ ላይ የሚገኙ ባለ ሜትር ክፍያ ታክሲዎች የክፍያ ተመን ወጥነት ያለው ለማድረግ የሚያስችል ጥናት እየተጠናቀቀ መሆኑን የአዲስ አበባ ከተማ አስተዳደር ትራንስፖርት ባለሥልጣን አስታወቀ። የቢሮው ምክትል ሥራ አስኪያጅ አቶ በድሉ ሌሊሳ ለኢትዮጵያ ቴሌቪዥን እንደገለጹት ቀደም ሲል የተቀመጠው ክፍያ ተመን ወጥነት ባለው መልኩ እየተተገበረ ባለመሆኑ ችግሩን በዘላቂነት ለመፍታት ጥናት መደረጉን ተናግረዋል።

አያይዘውም ተመኑ ዝቅተኛ ነው በሚል የተወሰኑ ማኅበራት በድርድር ወደ መስራት መግባታቸውን እና ይህንን ለማስተካከል የሚያስችሉ ሥራዎች እየተከናወኑ መሆኑን አመልክተዋል። ምክትል ሥራ አስኪያጁ ጥናቱ ሲጠናቀቅ ባለድርሻ አካላት አስተያየት እንዲሰጡበት እንደሚደረግ እና ጉዳዩን አስመልክቶ በቀጣይ ጊዜያት ውስጥ ጋዜጣዊ መግለጫ ይሰጣል ብለዋል።